लिंबाचे त्वचेसाठी बहुउपयोग

 

                                                       लिंबाचे त्वचेसाठी  बहुउपयोग

                  एका वाटीत लिंबाचा रस घ्या. त्यात कापसाचा बोळा बुडवून ज्या ठिकाणी मुरुमं आणि डाग असतील त्या ठिकाणी हलक्या हातांनी फिरवा. हा रस १० मिनिटांपर्यंत राहू द्या. त्यानंतर पाण्यानं चेहरा धुवून घ्या. ही प्रक्रिया दिवसातून दोन वेळा करू शकता.

                  थोडा लिंबाचा रस आणि मध एकत्र करून मुरुमं असलेल्या ठिकाणी लावा... पाच मिनिटांपर्यंत ते चेहऱ्यावर ठेवून चेहरा धुवून घ्या. हा उपाय तुम्ही दिवसातून एकदा करू शकता.

                 एका अंड्याचा सफेद भाग वेगळा करून घ्या. यामध्ये दोन चमचे लिंबाचा रस मिसळून चांगल्या पद्धतीनं एकजीव करून घ्या. हे मिश्रण तुम्ही चेहऱ्यावर पाच ते सात मिनिटे लावा... ते सुकल्यानंतर धुण्याऐवजी पुन्हा एकदा या मिश्रणाचा एक थर लावा... त्यानंतर तिसरा थरही तुम्ही लावू शकता... त्यानंतर कोमट गरम पाण्यानं धुवून घ्या.

                  एका वाटीत चण्याची पावडर घ्या त्यामध्ये लिंबाचा रस मिसळून घ्या. त्याची चांगली पेस्ट बनवून पिंपल्स असलेल्या त्वचेवर लावू शकता. त्यानंतर कोमट पाण्यानं चेहरा धुवून घ्या. त्वचा कोरडी वाटल्यास थोडं माइश्चरायजरचा वापर करू शकता.